كلماتى
لو
لو كانت 000 لو 0000 بتنفع
لو كان العمر يرجع
كنت من تانى أقابلك
وأطير فى الكون معاكى
واحلق فى سماكى
واعيش العمر احبك
واكتب لك الاغانى
عن أجمل الامانى
وابعت جواب لقلبك
يقول انك أميرة
وعنيكى فيها حيرة
وسؤال على شفايفك
ازاى وامتى وفين
الحب ده جه منين ؟
وليه انت اللى اخترتك
أنا شفتك من زمان
وكنتى فى الوجدان
لكن مش عارف أصارحك
ولانى من زمان باشوفك المثال
وباشوف ف عنيكى طيبة وقمة الجمال
وفضلت احلم بقربك
ولما عرفتك لقيتك المعدن الأصيل
ورجعتينى تانى للزمن الجميل
وده اقل شيء لوصفك
يا أجمل من رأيت
وأغلى ما حبيت
مش لاقى كلام يناسبك
أوحشتنى
يا بلبلا غرد فشدا الكون طربا من رجع صداه
وسرى طيفا فانتشى الزهر فرحا من طيب شذاه
ورمى القلب بسهم لما رنا فأسال من الوجد دماه
وقال على استحياء " أوحشتنى " فسرت فى النفس حياه
وأعاد من زمن الجمال عبيره 00 وبهاؤه 000 وشذاه
بنت الأصول
من ضى عنيكى الحلوين دول
راح ألف العالم عرض وطول
وأقول للخلق وياما حاقول
ده حبيبتى الحلوة بنت أصول
يارب تصونها كده على طول
من رقتها وابتسامتها 000 الدنيا بتبقى تملى ربيع
وف حلاوتها تلقى طيبتها 00 وبتشترى عمرها ما تبيع
كرمها زيادة ومش حساده 00 وخيرها مغطى على الجميع
أصلها عالى وما بتتعالى 00 ولأخلاقها الكل مطيع
ورغم جمالها تواضع حالها 00 من سواها حقيقى بديع
هى دى فعلا بنت أصول
خيرها لغيرها 00 ولتأثيرها 00 قلبى اختارها بدون تفكير
ولما حيائها عنى منعها 00 بان فى عينيها بلا تعبير
وقالت حبى جوه ف قلبى 00 مش محتاج منى لتفسير
أسأل قلبك 00 مين بيحبك ؟ 00 هو يجاوبك عنى كتير
وان المرء بدين خليله 00 افهم بقى لو كنت خبير
وأنا مهما وصفتك مش راح اطول
سامحينى لو ظلمتك 00 أو لو جاوزت حدى
وعذرى انك كريمة 00 ولأنك غالية عندى
عبرت عن مشاعرى 00 وده هو كل قصدى
مش طالب رد منك 00 إلا ان احبك وحدى
وما تغيبش الابتسامة 00 لو كان فداها عمرى
يا بنت إلا صول
وصف
قالت النفس لى صف من تحب فقلت يانفس هذا فوق امكـانى
فهى الكريمة قد كثرت محاسنها وهى الأصيلة من بيت وعنوان
جمالها أخاذ وسحـرها نفــاذ وصوتها ينساب عذبا كألحـان
وطيفها يسرى كنسيم الفجــر يزيل ألمي عن قلبى واحـزانى
يتلألأ النور من عينيهـــــا بــدرا فيضيء كل اركـانى
وثغرها إذا تبسم تبــدو مـن نـواجذه لألىء فتثير اشجانى
ومن كفيهـا إذا عانقــت كفى دفء يـذوب فى دماء شريانى
ولهـا من اسمهــا حـــظ تشتـق منـه جميـل المعانى
وإذا أطلت تسـامى أريجهــا فتضـوع عطـرا منه كل مكان
قـالت النـفس مـن هى دلنى انى اشتقت عنهـا إلى التبيان
قلت هى زهرة تزين الخميلــة وأمنية مـن أجمل الامــانى
كلمات مفتاح: خواطر
