ليه الفراق ؟
واحنا كان بينا اتفاق
ان قلبى يبقى ليكى دار اما
والعيون ضل وحنان
وان عمرى ما اكون سبب
ان دمعة تزور خدودك
أو أعدى سور حدودك
وان يكفينى العذاب
ما دمنا من بعيد احباب
تظرة تكفى أو سلام
من غير بعاد او يوم خصام
ليه رضيتى بالفراق ؟
وازاى قدرتى ع الجفا
وانت الوفا
ازاى قدرتى تقتلى الحب الوليد ؟
كده من بعيد
من غير ماحتى تودعى
أو تسمعى
منى تحية اللقا 000 بعد الغياب
اللى أظنه قطعة كانت م العذاب
لا انا ولا انت اخترنا بايدينا اللى كان
ولا المكان ولا الزمان
ليه فجأة هان 0000 وليه الفراق ؟
خلاص صحينا م الامانى والحلم الجميل ؟
على الفراق 00 على البعاد 00 على الرحيل
مستحيل !!!!!!
مستحيل صورتك تغيب يوم عن خيالى
أو ما خطر اسمك فى بالى
كل كلمة قراها قلبى من شفايفك
حتى صمتك !!
كان له معنى وكان كلام
ايه اللى خلا الميه جفت
والنهار اصبح ظلام
والطيور هجرت عشوشها
والسما صارت غمام
اعتقد من حقى اعرف 000 ليه الفراق ؟
كلمات مفتاح: ذكرى
