أعتب عليك
تسمحلى أعتب عليك
أديني فرصة ورد عليا
شايف حبنا أصبح غريب
من غير لذة رفضه قلبي وعنيا
حبنا فى عيونهم شكله جميل
وفى قلوبنا أصبح مستحيل
&nb sp; حبنا
حبنا كالقمر فى ليله منور ش
حبنا كالبحر أمواجه عالية مبترحمش
حبنا كالزرع من عطشة مطر حش
حبنا كالجبل فى مكانه متحركش
ليه
ليه قلبك أصبح قاسى عليا
ليه نسيت هواك وكان ملك ايديا
ليه ضحكتك بعيد عنى تتسمع
وعندي التكشيرة تترسم
ليه خليت ليلى نهار طويل
ليه خليت نومي أصبح مستحيل
ليه كسرت فيا ضحكتي
ليه خليت الناس تبصلى
تصدق
تصدق إنى نسيت ضحكتك
تصدق إنى نسيت حنيتك
تصدق نسيت حوارك وكلمتك
تصدق نسيت ميعادك ودخلتك
نسيت عنيا أوصافك ولمحتك
نسى قلبى خيالك وعشرتك
لما غابت عنى لمستك
لما أصبحت خارج خدمتك
فين
فين كلامك فين وعودك
فين حضنك فين وجودك
فين قلبك فين إحساسك
فين مشاعرك فين حنانك
مين يصدق انك هاجرت فرشتي
ونمت وعلى جبيني سالت دمعتي
حاولت
حاولت أحافظ على كياني
حاولت ارجع الحب تانى
الماضي كان شيء جميل
لبسته ثوب حزين
هانت
هانت عليك عشرتي
هانت عليك دمعتي
هانت عليك فرشتي
هانت عليك دبلتي
استحملت قسوتك
ورفضت مودتي
كل ده كان ليه
من غير ليه بعتني
من غير ليه ظلمتني
من غير ليه جرحتني
أفتكر إيه ولا إيه
عشان كده بعتب عليك
فتحى صفا
كلمات مفتاح: أعتب عليك
